هاجت جروحي عليه
شلش العراقي
شبكة النهى*
فجروني بكل حقدكم
عاشت إيران الحبيبة
صرنه أشلاء ونموت
لشه مشدود بمصيبة
هي بس الصالحية
بيها زفينا الجروح
بلد ينزف من زمان
يصرخ ومحد يجيبه
طهران انتي الرمز
وحبنه الج طهران
وبغداد كبرت عجزت
مسكونة بالغربان
هيهات شيعتنه تموت
بفتوة من عند الإمام
وهيهات يرضالك علي
تذبح وعينك تنام
هي هيجي الدنية صارت
لو أحكمكم لو أعدمكم
لو أصادر كلشي منكم
وازرعكم جوه الركام
هاي هيه البلد صاير
يأتمر بأمر العمايم
والجثث تترقم ارقام
اليوم عشرة بعبوة ماتوا
وخمسين بالتفجير وكعوا
وألف مجهول الهوية
ونكتبت ارقام الضحايا
في سجل المرجعية
اريد اسال كلمن بهاي الحكومة
عن عوائلنا المحرومة
لو اخوك يموت هيجي
ما تون ونة البومة
ولو يفوت الجوع بيتك
وقهر رمضانك تصومه
مو واحدكم يتسودن
ويطلع نازع اهدومه
ايباااااااااااااااه
روحي حايره وملجومه
عمت عيني على الحراير
بسعر باكيت الجكاير
لا تظل بالقصة حاير
هيجي سوتها الحكومة
مو انتو جنتوا مشردين
وبالعواصم دايحين
غير من تحكم تلين
لو تخاصمنه خصومة
هيجي سوتها الحكومة
كهرباء منكم ما نريد
أنريد من عدكم صدك
والشوارع خل تفيض
ووجوه مصبوغه زرك
انت تخمط بلبنوك
والشعب مشكوك الحلوك
دنيه بس الكم تلوك
عاش جهد المرجعية
المالكي يمثل عليه
قتل واغتيال وطائفية
ودولة القالون نجحت
بنفخ بطون الرعية
عاشت إسراء الأبية
في الربوع المالكية
واني من امي تموت
الناس تضحك عليه
ليش اني مو عراقي
يمكن اني اندنوسي
عمي انطوني فلوسي
لو لأن اني مو مجوسي
زين شغلوني أبيت اهلكم
اشتعل ابوكم وامكم
جااا طرك البين يا لوكي
وكول عني شروكي
اي اني شروكي ومن هذا البلد
وأشهد ان الله احد
اني احسن منك يا سلوكي
اصبر ايامك قريبة
تنسحل سحله عجيبه
منين جتك هلمصيبه
جا هي هاي الضريبة
الله ياخذ حوبتنه منك
ويكتلك بالليل همك
ومثل ما سويت بينه
صخم الله وجهك بطينه
--
شلش العراقي
خيال يسكن خيال
ويتوارى وراء جسد
هزيل
نال المرض والقهر منه
الشيء الكثير
سرق الطغاة منه
الماضي والحاضر
والمستقبل والحلم
فقرر ان يفضحهم